و الله ان آمـوت مارخص في غلاه

علموه اني على وصلـه شفــوق
ولو يطول البعد مارخص في غلاه

له حقوقن غيـر عن كَل الحقــوق
هـو هــوا الخفّــاق هــو داه ودواه

من غلاتـه يســري بوسط العروق
ومن غيابـه مانست عينـي هـــواه

حبه بوسط الحشــا دايـــم يفـوق
عن جمــيع الغيــد يعــــلا مستـواه

فِيـےّ سما حبــي له رعــود وبـروق
وماتمـنى القـــلب مخلوقٍ ســـواه

عالـي بحــبه ومن فــوقن لفــــوق
ومن رحـل قلــبي رحـل يتبع خطاه

مايـروق البــال لين انّـه يـــــروق
ولا تزيـن الحـال لين اسمع حكــاه

هو قمـر ليـلي وهـو معنا الشروق
وهو فضا روحٍ تنــومس في فضاه

منه يازيــن الجـــروح ام الفــتوق
دام شــوفه يشـفي جـروحي فداه

لـه وصــــوفن كـــلها رقـــه وذوق
وله حياة اللــي تغربــل من جفـاه

جفـن شعــري كـَل مايغفــا يفوق
والسبب حبــه وغيـــبته وحـــــلاه

له غلا له حــــب له قيمـه وشـوق
ياعسا يـــرحم حبيـــبه ياعــــساه

ودي اكتب حبــه بـــدم العــــروق
وودي اوصـف ميـر يازيــن النجـاه

مابقــى غيــر اعتـزي بعيـال روق
واعتزي بعيال بـرقا من غــــــلاه

الله اكــبر كيـف حبــه دوم فــوق
و الله ... اكـبر كيـف قلبي مانساه

ايه سلعــة بس ماتجلــب لسـوق
يجلبون السـوق بـس يبدي رضاه

طال بعــده والهـــواي مايــــروق
لين يلمــس كف معشوقن بغـــاه

وفي ختــام القول والمعنا سبوق
و الله ان آمـوت مارخص في غلاه

» ان الرسول لنور يستضاء به ♥♥♥♥ مهند من سيوف الله مسلول
» معجزات الرسول صلى الله عليه وسلم
» أعلى شلْآلْآت العـآلم. .قمة في الْآبدآع . .سبحآن الله .!
» {..فمـان الله .. والذكـرى ؟ فراشـه لونهـا زرقــا.~
» فتاة رزقها الله 15 مليون ريال ....... تدرون ما السبب...!؟